春秋战国时期是我国历史塱一个既混乱又精彩亇时期，奴隶制社会开始瓦解，新亇封建社会制度开始形成。西周灭亡以后呢，延续亇是东周，东周礼乐崩坏，经过长达几百年连绵弗断亇内部战争，各地诸侯称霸一方大肆兼并。春秋五霸战国七雄先后登上了历史舞台，箇个舞台塱有倾国倾城亇美女，有力能举鼎亇壮士，有精于兵法亇将军，也有心怀鬼胎亇奸人。当然咾还有交关有名亇谋略家，搭之昏庸无能或者呢精明强干亇君主，箇眼人物一道组成了一个精彩亇场面。另外我认为阿拉现在交关成语典故也是出于伊个辰光，通过箇眼故事让大家能够更加好亇了解箇眼成语亇由来。外加东周故事里，有交关姓氏搭之地名里向有生僻字，箇眼生僻字放勒平常大多数侪读弗连牵，故咾我也欢喜做个尝试，有读得弗对亇地方，欢迎朋友留言指正。