点击下方收听音频，时长7分25秒。
搭倷一道来传承母语，大家好，我是小克勒。
最近，在知乎、微博、贴吧等社区，有一只话题开始热议起来，就是“杭州是否是美食荒漠”。该只话题一出来，就有不少人纷纷赞同，甚至于对某些评论拍案叫绝。进一步，就是对杭州亇各种批评，如“996福报发源地”“奋斗之都”。
杭州拨成为美食荒漠之后，就像疫情一样迅速蔓延，江浙沪城市侪遭殃，冒出了不少如“苏州是美食荒漠”“上海是美食荒漠”亇帖子。最后，有人甚至于干脆拨了一个总结，江浙沪侪是美食荒漠。有媒体就关注了该个话题，进行了总结。
微博上亇统计美食荒漠城市
从该张图就可以看到，全国十大美食荒漠城市，江浙沪一共占了4个，吴语区占了3个，可见，江浙沪似乎是板上钉钉亇“美食荒漠”了。该张图也不是孤证，从另外一张网上流传亇几张统计图，更加将江浙沪亇饮食推上最难吃亇宝座。甚至淮扬菜中心城市扬州都不能幸免。
中国“八大菜系”热度值比较
占领中国人餐桌亇究竟是啥个菜
大陆网民对各省饮食喜爱度民调
美食荒漠，顾名思义，此地亇美食搭沙漠一样，沙漠里出脱沙，啥亇也无没。为啥呢？箇眼网友就拿出了充分亇证据，在上海、杭州等大城市亇大众点评一搜索，前十名看不见本地菜馆；或者觉着当地菜太甜、忒清淡、不放辣等等。而上头箇种统计，更加深了箇种印象。
江南菜是啥？假使用一句话讲，就是素菜清淡、荤菜浓油赤酱。有人说，江南菜甜，甚至于外地人做亇本帮菜可以放不少糖，其实侪是误解。首先，江南菜从口味就可以分为三种，一是是以苏帮菜、本帮菜、杭帮菜为代表亇浙北菜，口味偏甜；二是宁波菜、温州菜为代表亇浙东菜，口味偏咸；三是以衢州菜为代表亇浙西菜，口味偏辣。假使讲有共同点亇话，就是香糟、黄酒来调味。所以，江南菜馆走进去就有一种黄酒味道。
浙北亇甜，也不是样样侪放糖亇，糖是用来去肉腥味，调鲜味亇。该种料理方法在中国是比较少亇，但是在世界上是主流亇办法。美国、日本，肉类料理侪是放糖亇，甚至于不少法国菜、意大利菜也是放糖亇。如果说放糖就是美食荒漠，不会做菜，难道法国、意大利、日本也是美食荒漠？
其实，江南菜一直是搭淮扬菜媲美亇。江南是鱼米之乡，物产丰饶，饮食资源十分丰富，不少菜品也是相当有名亇，如松鼠鳜鱼、碧螺虾仁、无锡排骨、腌笃鲜、草头圈子、油焖笋、五香熏鱼、东坡肉、西湖醋鱼、西湖莼菜汤、叫花鸡、龙井虾仁、梅菜扣肉、桂花糯米藕，小吃有小笼馒头、生煎馒头、葱油拌面、奥灶面、藏书羊肉、片儿川、嘉兴粽子、宁波汤团等等，难道也是美食荒漠？
其实，真实亇原因是因为现代饮食深受川菜影响，重油重辣亇餐饮遍地侪是，大家无形中对重口味侪有偏爱。像江南菜箇种无没辣椒参与亇菜系怎么会得到外地朋友亇青睐，所以外地朋友对于江南菜的印象只有荒漠。
所谓“美食荒漠”，就是一眼无没素质搭涵养亇无理之辈亇曲解。为啥箇能讲？绝大多数有素质亇人，举个例子不欢喜吃辣亇，也不会去讲川菜或者湘菜忒辣、难吃箇种言话。对当地饮食文化不够了解，不够开放，又欢喜搭人家打标签，“美食荒漠”成为最好亇标签，一遍又一遍展现出自家亇粗浅认知。
看看人家有水平亇人是哪能讲亇，山东籍亇宁光院士近日表示，“江南饮食”模式更适合国人。伊讲，江南饮食简单、健康，保持了食物亇原汁原味、少油少盐，与营养完美结合。江南饮食中亇煲汤，荤素搭配，是最健康亇。所以，不是大家侪欢喜亇，就是最好亇，而是要讲科学、讲理性亇。
权威专家认为江南饮食更加适合中国人
但是该种标签，因为江南人亇麻木，现在越来越开始发酵，成为贬低江南人亇工具。不少网友开始进一步渲染，江南人天生不会做菜，生活上是亇残废。箇能，就可以进一步推出，江南人是能力比较差，甚至于城市发展侪是因为外地人，本地人是寄生虫一样亇角色。箇种言论，不禁让我毛骨悚然。在该种全民互联网亇时代，人与人之间亇认知不但无没进一步加深，反而越来越粗浅。作为一个江南土著，感觉到一股深深亇恶意，假使进一步想象背后伊拉是否存在不可告人亇目的，不禁后背发凉。
我伲应该做啥亇？就要为自家家乡多发声。多多宣传江南美食。对江南饮食描述不正确，甚至是贬低亇地方，就要出来讲言话，不好让伊既成事实。为自家亇家乡而是为自家，努力去脱该死亇“美食荒漠”标签。