点击下方收听音频，时长2分38秒。
搭倷一道来传承母语，各位吴语书院亇听众朋友大家好，我是天堂吴韵，到着游记版块搭大家见面亇辰光哉。今朝由我带大家一道来白相东非三国。
前几年，因为工作出差亇原因，有机会到非洲三个国家（埃塞俄比亚、吉布提、坦桑尼亚）执行任务。
交关人会觉着非洲穷搭之落后，实际上非洲近昶经济发展得蛮快亇。该个是因为近端时间，非洲比较太平，加上有中国等国家亇帮助，很多国家慢慢开始发展起来。
第一站是埃塞俄比亚。中国正在帮助该个国家建设铁路。首先畀大家看几张埃塞亇图片，让大家对埃塞亇基本情况有所了解。
图1 埃塞首都亚迪斯机场
图2 市中心亇宾馆
图3 埃塞街头亇小朋友
图4 埃塞国家博物馆
图5 埃塞街景
其实啊，埃塞首都相当于中国80年代一般城市亇情况。最近埃塞也在许走中国亇道路，譬如讲，学习苏南模式，学习苏州搞工业园区，吸引外资。中国对该个国家支持蛮多亇，除脱铁路，还有轻轨。
图6 埃塞轻轨
埃塞最值得一看亇是Lucy，是最早发现亇人类亇化石。埃塞是现代人亇摇篮，全人类亇祖先侪是从埃塞出来亇。
图7 Lucy
第二站是吉布提，是一个港口城市，也是一个国家。吉布提经济水平在中国搭中西部地区差不多。有各个国家亇投资，中国当然也在许其中。
图8 吉布提街景
第三站是坦桑尼亚。因为是英联邦国家，所以主要支持是英国。但不过，中国最近投资也比较多。相比前两个国家，坦桑尼亚最大城市达累斯就显得高大上多了。
图9 达累斯街景
图10 富人区住宅
图11 坦赞铁路达雷斯站起点
图12 坦赞铁路达雷斯站办公室
坦桑尼亚最值得去亇是达雷斯附近亇一个国家公园，是草原保留地。里向有各种各样亇动物。
图13 达雷斯附近亇国家公园
好，今朝东非之行就到该面，大家有机会可以去白相。